பொய் தவசி பற்றி காக புஜண்டர்

சித்தர்கள் பொதுவாக பொய் வேடமிட்டு திரியும்

மாக்களை நன்றாக வசை பாடுவார்கள் .இந்த

உலகில் உயிர் வாழ வேண்டும் அதற்க்கு அன்னம் வேண்டும்.அன்னத்திற்கு வேண்டி ஒருவன்

தவசியானால் அவன் நிலையைப்பற்றி.

பாடல்:

சோறுக்கோ  அறுசுவைக்கோ துணிக்கித் தானோ

சுகம்வேண்டி யிவ்வளவுங் கையையேந்தி

நீருக்கோ ஓடேந்தி வாசல்நின்று

நிமிர்ந்தாக்கால் நீரிடார் தலைகவிழ்ந்தே

பாருக்கோ பாதமதைப் பார்த்தேநின்று

பரிவாசி காணாமற் கூசிநின்று

மோருக்கோ நின்றிரு ப்பீர் வாசல்தோறும்

மொய்குழலா ரிட்டஅன்னம் வீடுதானே ....

விளக்கம் :

பொதுவாக பிச்சை எடுப்பது சாதாரண விஷயம்

இல்லை. பலரின் கேலிப் பேச்சுக்களிற்கு இடையில்

தான் வாழ முடியும். இப்படி பட்ட வாழ்க்கை நமக்கு

தேவையா ? தேவை என்றால் அதை அனுபவித்து

வாழ வேண்டும்.எல்லா சித்தர்களும் திருமணம்

புரிந்து கொண்டு இல்லறத்தில் இருந்து கொண்டு

துறவறத்தை மேற்கொண்டவர்கள் . 

எமது குரு முனியும் கூட தான்.

யாரும் இதற்கு விதி விலக்கல்ல. பிச்சை

எடுத்தவர்களில் பல சித்தர்களுண்டு ஏன் அந்த

ஆதி சித்தனும் உண்டு.

அன்னமய கோசத்திற்கு தான் அன்னம் தேவை

ஆனந்தமய கோசத்திற்கு இல்லை . மேற்கண்ட

பாடல் அருமையான விளக்கத்தோடு உள்ளது.பிச்சை

எடுப்பதும் அதில் கிடைத்தால் சந்தோசம் இல்லை

யென்றால் தலை கவிழ்ந்து அசிங்கம் ஏற்படும் போன்ற

கருத்துகள் உள்ளது.

வாசியைப்பார்த்து வந்தால் அன்னம் தேவை இல்லை ,

ஆனந்தம் அங்கு தாண்டவமாடும் . உயிருக்கும்

உடலுக்கும் தேவையான அனைத்து சத்துகளும்

வாசியின் மூலம் பெறமுடியும்.

"வாசியை கவனித்தால் காசி போக தேவையில்லை"

வாசியை தெரிந்து கொள்ள முயற்சி செய்யுங்கள்

குருவருளால்.